ﺷﺎﻓﺖ حبيبها ﺍﻟﻘﺪﻳﻢ ﻧﺎﺷﺮ ﺍﻧﻮ ﺍﺭﺗﺒﻂ
ﻛﺘﺒﺖ ﻭﺃﺭﺳﻠﺖ ﻟﻴﻪ
ﻛﻴﻔﻚ !
ﺷﻔﺘﻚ ﻣﻦ ﻳﻮﻣﻴﻦ ﻣﻨﺰﻝ ﺇﻧﻚ ﺍﺭﺗﺒﻄﺖ
ﺣﺒﻴﺖ ﺍﺑﺎﺭﻙ ﻟﻴﻚ ﻭﻣﺎ ﺑﺘﻤﻨﻰ ﻟﻴﻚ ﻏﻴﺮ ﺇﻧﻚ ﺗﺸﻮﻑ
ﺍﻟﺴﻌﺎﺩﺓ ..
ﻭ ﺇﺫﺍ ﺑﺘﺴﻤﺢ ﻟﻲ .. ﺇﻧﺖ ﻭﻫﻲ ..
ﺃﻭ ﺣﺘﻰ ﺇﺫﺍ ﻣﺎ ﺳﻤﺤﺘﻮﺍ ﻟﻲ ..
ﻋﺎﻳﺰﺓ ﺃﻗﻮﻝ ﻟﻴﻚ ﺇﻧﻲ ﺍﺷﺘﻘﺖ ﻟﻴﻚ
.. ﻭﺃﺑﺪﺍ ﻣﺎ ﺷﻮﻳﺔ ..
ﺍﺷﺘﻘﺖ ﻟﻴﻚ ﺷﺪﻳﺪ .
ﻭﺑﺤﺒﻚ ﺑﺮﺿﻮ ﻣﺎ ﺷﻮﻳﺔ .. ﻛﻤﺎﻥ ﺷﺪﻳﺪ ..
ﻭ ﺍﻟﻜﻼﻡ ﺩﻩ ﺟﻴﺖ ﺍﻗﻮﻟﻮ ﺍﺳﻲ .. ﻣﺎ ﻷﻧﻲ ﺣﺴﻴﺖ
ﺑﻘﻴﻤﺘﻚ ﺍﻭ ﻓﺮﻗﺖ ﻣﻌﺎﻱ ..
ﺃﻛﻴﺪ ﻻ
ﺃﻧﺎ ﻋﺮﻓﺖ ﺍﻟﻨﻬﺎﻳﺔ ﻣﻦ ﺍﻟﻴﻮﻡ ﺍﻝ ﻗﻠﻨﺎ ﻟ ﺑﻌﺾ ﺧﻼﺹ
.. ﺍﻧﺘﻬﻴﻨﺎ ..
ﺑﺲ ﺑﻜﺘﺐ ﻟﻴﻚ ﺍﺳﻲ .. ﻷﻧﻮ ﺍﻧﺘﻬﻰ ﺍﻟﻮﻗﺖ ﺑﺘﺎﻉ
ﻛﺒﺮﻳﺎﺀﻧﺎ ﻭ ﻋﺰﺓ ﻧﻔﺴﻨﺎ ..
ﻭ ﻟﻮ ﺭﺳﻠﺖ ﻟﻴﻚ ﺗﺎﻧﻲ ﻣﻌﻨﺎﻫﺎ ﺍﻧﺎ ﺑﺤﺮﺿﻚ ﻟﻠﺨﻴﺎﻧﺔ ..
ﺑﻘﻰ ﺣﺎﻝ ﺍﻟﻜﻼﻡ ﻣﻌﺎﻱ .. ﺧﻴﺎﻧﺔ ﻟ ﺣﺒﻴﺒﺘﻚ ﺍﻟﺠﺪﻳﺪﺓ
ﻣﺎ ﻓﻀﻞ ﻋﻨﺪﻱ ﺷﻲ ﺍﻗﻮﻟﻮ .. ﺑﺲ .. ﺑﺎﻱ…
ﺭﺩ ﻋﻠﻴﻬﺎ ﻭ ﺃﺭﺳﻞ
ﺃﻧﺎ ﺗﻤﺎﻡ ﺍﻥ ﺷﺎﺀ ﺍﻟﻠﻪ ﺗﻜﻮﻧﻲ ﺇﻧﺘﻲ ﺑﺨﻴﺮ
ﺍﻟﻮﺍﺣﺪ ﻣﻨﻨﺎ ﻋﺎﻳﺶ ﺑ ﺗﻮتر ﺳﺎﻋﺔ ﻗﻠﺐ ﻭﺳﺎﻋﺔ ﻋﻘﻞ
ﺇﻧﺘﻲ ﺍﺳﻲ ﺑﺘﺘﻜﻠﻤﻲ ﺑ ﺳﺎﻋﺔ ﺍﻟﻘﻠﺐ ..
ﻭ ﻃﻠﻌﺘﻲ ﻛﻞ ﺍﻟﺠﻮﺍﻙ ﻭ ﺍﺗﻔﺸﻴﺘﻲ ..
ﻭﻗﺒﻞ ﻣﺎ ﺗﺨﻠﺺ ﺍﻟﺴﺎﻋﺔ ﺩﻱ ..
ﻭﺗﺮﺟﻌﻲ ﻟ ﻋﻘﻠﻚ ..
ﻟ ﻋﻨﺎﺩﻙ ﻭ ﺍﻧﻄﻮﺍﺋﻚ
ﻋﺎﻳﺰ ﺃﻗﻮﻝ ﻟﻴﻚ ﺇﻧﻲ ﻣﺎ ﺍﺭﺗﺒﻄﺖ .. ﺃﺑﺪﺍ ..
ﺃﻧﺎ ﺑﺒﺴﺎﻃﺔ ﻟﺴﻪ ﺑﺤﺒﻚ ..
ﻣﻦ ﻳﻮﻣﻴﻦ ﻛﺎﻥ ﺗﺎﺭﻳﺦ ﻭﻻﺩﺗﻨﺎ ..
ﻗﺼﺪﻱ ﻛﺎﻥ ﺫﻛﺮﻯ ﻋﻴﺪ ﺣﺒﻨﺎ ..
ﻟﻤﺎ ﻗﻠﺖ ﻟﻴﻚ ﺑﺤﺒﻚ ﺃﻭﻝ ﻣﺮﺓ ..
ﻋﺸﺎﻥ ﻛﺪﻩ ﺭﺟﻌﺖ ﺧﺘﻴﺖ ﺇﻧﻲ ﺍﺭﺗﺒﻄﺖ ..
ﺯﻱ ﻣﺎ ﻋﻤﻠﺘﻬﺎ ﻭﻗﺘﻬﺎ ..
ﻏﺒﻴﺔ ﺍﻧﺘﻲ .. !
ﺍﻟﺒﻴﺤﺐ ﻭﺣﺪﺓ ﺯﻳﻴﻚ ..
ﻫﻞ ﺑﻴﻘﺪﺭ ﻳﺤﺐ ﺗﺎﻧﻲ
السناجل نأسف لي قساوه المشهد
تحبو تشربو شاي بي نعناع ولا هبهان